Bermeoko Udala

-Udalean ordezkaritza duten alderdi politiko guztiek bat egingo dute elkarretaratzean

-Marokoko indar armatuek Guergueraten eginiko erasoaldia eta, honenbestez, su-etena urratu izana salatu nahi da

Bermeon, 2020ko azaroaren 19an.- Bermeoko Udalak bat egingo du Besalde Elkarteak eta Sahara-Euskadi mugimenduak larunbatean (azaroak 21) Bermeoko Lameran deitu duten elkarretaratzearekin. Marokoko indar armatuek Guergueraten eginiko erasoaldia eta, honenbestez, su-etena urratu izana salatu nahi da 13:00etan egingo den elkarretaratzean.

Bermeoko Udalean ordezkaritza duten alderdi politiko guztiek parte hartuko dute. Hots, Eusko Alderdi Jeltzaleak, EH Bilduk eta Guzanek. Gainera, Bermeoko Udaletxeko balkoian Saharar bandera jarriko da Saharako Herriari elkartasuna adieraziz.