Bermeoko Udala

• Irish eta Kafune tabernek jaso dute bigarren eta hirugarren saria, hurrenez hurren

Doniene tabernak jaso du Tabernen XXI. Mozorro txapelketako lehenengo saria. Bigarren saria Irish tabernarentzat izan da, eta hirugarren saria, berriz, Kafune tabernak hartu. 200, 150 eta 100 euroko balioko otzarak jaso dituzte saritzat, hurrenez hurren.

Aurten, lan gogorra eduki du epaimahaiak, aurtengo deialdia, aurrekoekin alderatuta, “arrakastatsua” izan baita; 18 tabernaren artean egon da lehia.

Epaimahaia Bermeoko Udaleko ordezkariek eta Jai Batzordeko kideek osatu dute. 11:30ean hasita, parte hartzaile guztien tabernak bisitatu dituzte eta guztien “maila ona” eta “orijinaltasuna” azpimarratu dituzte. Ildo berean, tabernek egindako lan handia nabarmendu dute, eta horien guztien lana eskertu dute, “herria eta herritarrak girotzen laguntzen baitute”.

Sariak ematerakoan, epaimahaiko kideek honakoak izan dituzte kontuan: tabernen apainketen eta mozorroen orijinaltasuna, erabili diren materialen kontsumo orekatua, euskararen erabilera eta tabernarien mozorro eta apainketa bat etortzea.