Albisteak

Albistea

‘Gorputza martxan’ eta ‘Burua martxan’ programak eskainiko ditu 2021ean Gizarte Ongizaterako Udal Patronatuak

-Interesa duten herritarrek abenduaren 30a baino lehen eman behako dute izena eta, ondoren, plaza lortzeko zozketan sartuko dira

Bermeon, 2020ko abenduaren 17an.- Gizarte Ongizaterako Udal Patronatuak (GOUP) hurrengo urtean ere nagusiei zuzendutako ‘Gorputza martxan’ eta ‘Burua martxan’ programak eskainiko ditu. Bi programa hauetan parte hartzea doakoa da.

Bi programa hauen helburua da zahartze aktiboa sustatzea. ‘Gorputza martxan’ programaren kasuan galera kognitiboa ekiditu nahi da eta ‘Burua martxan’ programan, ordea, galera fisikoa. Plaza mugatuak izanik, parte hartu nahi duten pertsonek urtarrilaren 7an egingo den zozketan izena emanda izan beharko dute. Zozketan parte hartzeko Gizarte Ongizaterako Udal Patronatura deitu beharko dute (946 17 91 60) abenduaren 30a baino lehen. Taldeetan lehentasuna izango dute 75 urte edo gehiago duten herritarrek, menpekotasun egoera gradu I dutenek edo senitarteko jagole direnek.

Indarrean dauden osasun eta segurtasun neurriak direla eta taldeen antolakuntza aldatu da. ‘Burua Martxan’ programan 20 pertsonek parte hartu ahal izango dute, lau taldetan banatuta. Parte hartzaileek 55 urtetik gorakoak izan beharko dute eta ezingo dute buruko gaixotasunik izan. Astean saio bakarra egingo da, Bermeoko Kultur Etxean, astelehenetan edo eguaztenetan, eta ordu eta erdiko iraupena izango du.

‘Gorputza Martxan’ programan 40 pertsonek parte hartu ahal izango dute zortzi taldetan banatuta. Parte hartzaileek 55 urtetik gorakoak izan beharko dute eta ezingo dute gaixotasun fisiko larririk izan. Astean ordu beteko saio bakarra egingo da Kultur Etxeko ‘Nagusien txokoan’.

17 / 12 / 2020

Beste barriak

Bermeoko Udala

010 (94 617 91 00)
Arana eta Goiri tar Sabinen
enparantza z/g
48370 Bermeo - Bizkaia
antolakuntza@bermeo.eus

bikain ziurtagiria WAI-AA WCAG 1.0