Bermeoko Udala

Korrika Kulturalaren barne, Dejabú Panpin laborategiak ‘Azken Portua’ umeentzako antzerkia taularatuko du barikuan, martxoaren 6an, Bermeoko Nestor Basterretxea aretoan arratsaldeko 18:30ean.  

Antzezlan honetan Didi eta Gogo dira azken portuko biztanle bakarrak eta denbora luzea da ez dutela barkurik ikusi itsaso zabaletik portura heltzen. Gogo zaharrak ez du jada egun hori gogoratzen, baina Didi gaztearen jakin-minak Gogoren oroimenetan murgiltzera eramango ditu ikusleak, Euskal Herriko arrantzaleen garaiak, Enbata barkuaren azken bidaia eta Krixpin gaztearen abentura zoragarriak biziko dira. Aktoreak Urko Redondo eta Ainara Gurrutxaga dira. 

Sarrerak 4 euro dira eta jadanik salgai daude Gizarte eta Kultura etxean, Kutxabankeko orotarako kutxazainetan edo www.kutxabank.es web gunean eta ikuskizunaren egunean, martxoaren 6an, leihatilan ordu erdi lehenago aurretiaz agortu ez badira.