Bermeoko Udala

ADJUDICACION PROVISIONAL

06/06/2008

KARMELE MUÑOA ARRIGAIN andreak, Bermeoko Udaleko jarduneko idazkariak,
Z I U R T A T Z E N D O T:
2008ko ekainaren 4an Tokiko Gobernu Batzarrak erabagi hau agindu dauela:
5.- MIKEL DEUNA AUZOKO BIDEA KONPONTZEKO LANAK BEHIN-BEHINGOZ ESLEITZEA.
Xedea
Mikel Deuna auzoko bidea konpontzeko lanak behin-behingoz esleitzea.
Aurrekariak
Lehenengoa: 2008ko urtarrilaren 30ean, alkatetza dekretu bidez, herri honetako Mikel Deuna auzoko bidea egokitzeko obrearen proiektua onartzea erabagi zan.
Bigarrena: 2008ko urtarrilaren 30ean proiektua Bizkaiko Foru Aldundira bialdu zan, 2007ko abenduaren 4ko 225/2007 Aginduaren laguntzetan sartu eian.
Hirugarrena: Apirilaren 30eko 1630/2008 Foru Aginduaren bidez udal honi Santakruz, Tribis eta Mañuko bideak konpontzeko 49.800,00 € dirulaguntzea onartu jako.
Laugarrena: 2008ko maiatzaren 16an ondoren aitatzen diran enpresek eskaintzak aurkeztu ebezan:
- LURLAN, SL………………………………… 39.645,91 €
- PROBISA…………………………………….. 39.000,00 €
- PABISA……………………………………….. 41.755,92 €
- ASFALTADOS OLARRA, SA……………… 39.478,32 €
- ASFALTADOS URIBE, SA………………… 42.177,70 €
Bosgarrena: 2008ko maiatzaren 26an Jon Goitia Leniz arkitektoak txostena egin eban.
Argudioak
Bakarra: Jon Goitia Leniz arkitektoak, enpresa horreek aurkeztutako dokumentazinoa aztertu ondoren, obrak PROBISA enpreseari esleitzea proposatu eban.
Erabagia
Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak:
LEHENENGOA: Mikel Deuna bidea konpontzeko lanak PROBISA enpreseari esleitzea behin-behingoz, 39.000,00 euroan.
BIGARRENA: Euskerearen Normalizazinorako Udal Ordenantzeak dinoana bete beharko da, halanda ze, obrea egiten dan bitartean ipini beharreko seinaleak eta moeta guztietako iragarkiak, oharrak… euskeraz idatzita egongo dira. Euskeraz eta gaztelaniaz idatzi ezkero, euskerazko testua bi bider handiagoa izango da. Bestalde, aurrez aurreko hartu-emon, txosten eta azalpen guztiak, ahozko zein idatzizkoak, euskeraz izango dira, bai udalagaz, bai herritarrakaz.
Eta honela izan daiten eta ondorio egokiak eragin daizan, alkate jaunaren aginduz eta onetsiaz, ziurtagiri hau idazten dot, eta bere xedea dan erabagia onartu barik dagoan akta batean dagoala adierazoten deutsut, behin betiko onespenaren menpean dagoela ohartarazota, Bermeon, 2008ko ekainaren 6an.
ONETSIA
ALKATEA