Adjudicación definitiva
11/04/2011
AINARA ETXEBARRIA AGORRIA andreak, Bermeoko Udaleko jarduneko idazkariak,
Z I U R T A T Z E N D O T:
2011ko apirilaren 6an Tokiko Gobernu Batzarrak erabagi hau agindu dauela:
9.- AZOKAKO ZOLADUREA ALDATZEKO KONTRATUA BEHIN BETIKO ESLEITZEA.
Xedea
Azokako zoladurea aldatzeko kontratua behin betiko esleitzea.
Aurrekariak
Lehenengoa: 2011ko martiaren 9an Tokiko Gobernu Batzarrak Azokako zoladurea aldatzeko proiektua, behin-behinekoz, CONSTRUCCIONES EDER, SA enpreseari esleitzea erabagi eban, 151.882,59 €-an.
Bigarrena: 2011ko martiaren 14an behin-behineko esleipena Bermeoko Udaleko web orriko kontratugilearen profilean argitaratu zan.
Argudioak
Lehenengoa: Behin-behineko esleipenaren iragarkia legeak agintzen dauen denporan egon da argitaratuta eta, epe horretan, ez da alegazinorik ez erreklamazinorik aurkeztu.
Bigarrena: Bestalde, behin-behineko esleipendunak eginbeharreko jarduketak emondako epean bete dauz.
Hirugarrena: Sektore Publikoko Kontratuei buruzko urriaren 30eko 30/2007 Legeak arautzen dauzan urrats guztiak jarraitu dirala kontuan hartuta, behin-behineko esleipena behin betiko bihurtu leiteke.
Erabagia
Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak:
LEHENENGOA: Udal Azokako zoladurea aldatzeko obra kontratua behin betiko esleitzea CONSTRUCCIONES EDER, SA enpreseari.
BIGARRENA: Kontratuaren prezioa 128.714,06 €-koa (BEZ barik) izango da. BEZari jagokon zenbatekoa 23.168,53 €-koa da (guztira: 151.882,59 €).
HIRUGARRENA: Enpresa esleipendunari jakinarazotea hamar (10) laneguneko epean, behin betiko esleipenaren jakinarazpena jaso eta hurrengo egunetik zenbatzen hasita, kontratua sinatu beharko dauela, eta holan egin ezean udalak kontratua bertan behera itxi ahal izango dauela.
Eta honela izan daiten eta ondorio egokiak eragin daizan, alkate jaunaren aginduz eta onetsiaz, ziurtagiri hau idazten dot, eta bere xedea dan erabagia onartu barik dagoan akta batean dagoala adierazoten deutsut, behin betiko onespenaren menpean dagoela ohartarazota, Bermeon, 2011ko apirilaren 11n.
ONETSIA
ALKATEA