Bermeoko Udala

Adjudicación definitiva

28/04/2011

422. ZENBAKIDUN
ALKATETZAREN DEKRETUA



Xedea

Fotokopiagailuetako papera, bulegoko material kontsumigarriak eta kontsumigarri informatikoak hornitzeko kontratua behin betiko esleitzea.

Aurrekariak

Lehenengoa: 2010eko irailaren 29an Tokiko Gobernu Batzarrak fotokopiagailuetako papera, bulegoko material kontsumigarriak eta kontsumigarri informatikoak hornitzeko kontratuaren baldintza-agiriak onartzea eta deialdia zabaltzea erabagi eban.

Bigarrena: 2010eko urriaren 27an Bizkaiko Aldizkari Ofizialean lizitazino iragarkia argitaratu zan (BAO 2010/207. zk.). jagokon kontratazino prozesua burutu zan, espedientean agertu bezala.

Hirugarrena: 2011ko martiaren 23an, Tokiko Gobernu Batzarrak behin-behineko esleipena onartu eban 1. LOTEA-MONTTE enpresearen alde eta 2. eta 3. LOTEAK-PAPYNDUX enpresearen alde, eskaintza hoberena aurkeztu izanagaitik.

Argudioak

Lehenengoa: Behin-behineko esleipen erabagiaren argitalpena kontratistearen profilean martiaren 29an burutu zan, eta legezko epearen barruan ez da ezelako errekurtsorik aurkeztu behin-behineko esleipenari.

Bigarrena: Esleipendunak bere betebeharrak burutu dauz, jagokozan ziurtagiriak eta behin betiko bermea aurkeztuz (1. Lotea-1.059,32 € eta 2. eta 3. Lotea-2.457,63 €), espedientean agertu bezala.

Erabagia

Goian aitatutako guztia kontuan hartuta, honako hau erabagi dot:

LEHENENGOA: Bermeoko Udaleko fotokopiagailuen paper hornidura kontratua MONTTE enpreseari esleitzea behin betiko, aurkeztu dauen eskaintzearen arabera, hau da:

A4 PAPERA-CLASSIC WHITE, 500 orri 80gr-PREZIOA: 2,37 €+BEZ %18
A3 PAPERA-CLASSIC WHITE, 500 orri 80gr-PREZIOA: 4,74 €+BEZ %18

BIGARRENA: Bermeoko Udaleko bulego material kontsumigarriak eta kontsumigarri informatikoen hornidura PAPYNDUX enpreseari esleitzea behin betiko, aurkeztu dauen eskaintzearen arabera, unidadeko prezioetan eta kontratuari erantsita geratzen diranak.

HIRUGARRENA: Jagokon kontratua sinatuko da esleipendunagaz. Horretarako, hamar (10) laneguneko epea izango dau, erabagiaren jakinarazpena jaso eta hurrengo egunetik zenbatzen hasita.

LAUGARRENA: Esleipendunak udalagaz izango dauzan ahozko eta idatzizko hartu-emonak euskeraz izango dira, eta fakturarik edo bestelako idazkirik aurkeztu behar dauenean euskeraz aurkeztu beharko dauz.

BOSGARRENA: Behin betiko esleipena Bermeoko Udalaren web orriko kontratugilearen profilean argitaratzea.

SEIGARRENA: Behin-behineko bermeak itzultzea partehartzaileei.





Bermeon, 2011ko apirilaren 28an
ALKATEA

NIRE AURREAN
JARDUNEKO IDAZKARIA