Bermeoko Udala

Bermeoko herri osoan kokatzen diran eraikuntza pribatuak barriztatzeko obrak, diruz laguntzea da zerbitzu honen helburua; Bai udalak eskaintzen dituen onurak interesdunari bideratuz, bai Eusko Jaurlaritzatik eratorritako diru laguntzak jasotzeko izapidetza jorratuz eta informazinoa eskeiniz, herritarrei hobariak lortzeko aukera emoten deutse.

Bermeoko Udalak, hainbat modutan laguntzen deutse Bermeoko herritarrei, euren etxebizitzetan egiten dabezan obretan hobariak lortzeko:

• Zuzenean Bermeoko Udalak eskaintzen dauan onurak bideratuz eta eskeiniz, beti be obrak, alde zaharrean edo Eremu Degradatuan kokatutako eraikuntzetan egiten badira.

• Eusko Jaurlaritzak eskaintzen dauzan laguntzak jasotzeko tramiteetaz arduratuz, beti be, obrak, alde zaharrean kokatutako eraikuntzetan egiten badira.

• Eusko Jaurlaritzak eskaintzen dauzan laguntzak jasotzeko informazinoa eskeiniz, egin beharreko obrak alde zaharreko erakuntzetan egiten ez badira. Azken kasu honetan egin beharreko jarduera eta tramitazino guztiak interesdunak egin beharko dauz.

BERUALA S.A.-k diru-laguntzak emongo dauz, Eusko Jaurlaritzako 307/2002 Dekretuak edo berau garatu eta aldatzen dabezan arauak ezarritako erispideak jarraituz. Eusko Jaurlaritzak diru-laguntzak emon arren BERUALA S.A.k be emon ahal izango dauz, beraz interesdunak, administrazino bietatik eratorritako diru-laguntzak jasotzeko aukera eukiko dau.

Aurrekoa izanda bere xede nagusia, BERUALAn ere hurrengoak egiten dira:

• EITeen erregistroa

• ETXEBIDEren lehiatila bakarra

• Bermeoko udalaren Urigintza, Zerbitzu eta Ingurmunen Sailari laguntza teknikoa

• Bermeoko udalaren bulego teknikoaren koordinazioa