Bermeoko Udala

Alaine Agirre idazle bermeotarrak ekainaren 16an, barikuan, ‘Txoriak etortzen ez diren lekua’ bere poema-liburua aurkeztuko du Bermeoko Udal Liburutegian arratsaldeko 19:00etan.

Alaine Agirreren lehenengo poema-liburua da ‘Txoriak etortzen ez diren lekua’, eta hemen ere nobelatan ezagun egin duten ezaugarriak ikus litezke: hizkuntza eder eta adierazkor baten bilaketa, erritmoaren sena, sentimenduen agerpen gordina, emozioen intentsitatea…

Liburuaren aurkezpena Erein argitaletxeak eta Bermeoko Udalak antolatu dute, eta bertan Alaine Agirrek ‘Txoriak etortzen ez diren lekua’ liburuaren nondik norakoak azalduko dizkigu eta bertaratzen direnek galderak egiteko aukera izango dute.

Bermeoko Udalak herritarrei aurkezpen horretara etortzeko gonbidapena luzatu die, izan ere, “aukera polita izango dute Alaine Agirreren lana ezagutzeko”.