Bermeoko Udala

Ostalaritza sektoreko autonomo eta enpresa txikiek ‘Kostuen analisia eta kontrola’ doako ikastaroan parte hartzeko aukera izango dute Bermeoko Behargintzan. Behargintzak azaldu duenez, ikastaro horren bidez, hileko kontsumoa kalkulatu eta lortutako emaitzak aztertuko dira, gastua kontrolatzeko eta irabaziak hobetzeko aukerak identifikatzeko.

‘Kostuen analisia eta kontrola’ ikastaroa azaroaren 21etik 24ra izango da, astelehenenetik ostegunera, 14:00etatik 16:00etara, hain zuzen ere. Guztira zortzi orduko iraupena izango du.

Plazak mugatuak dira, eta izena emateko epea azaroaren 17ra arte dago irekita Behargintzan (Zubiaur tar Kepa 26-28, 1. / Tel..: 94 617 91 90 / prospekzioa@bermeo.eus).