Bermeoko Udala

Bermeoko Udalak herritarrak Korrikan parte hartzera gonbidatu ditu, euskararen aro berri honetan, guztiok batera euskararen aldeko apustua erakusteko eta Bermeon euskararen alde egiteko gogoa dagoela adierazteko. Hortaz, adin guztietako herritarrak eta herriko elkarte guztiak euskararen alde korrika egitera animatu ditu, Euskaraldiarekin eta euskararen aldeko ohitura aldaketarekin lotuta dagoen Korrika honetan.

Korrika Gaztelubegira bihar, eguenean, apirilaren 11n, 20:12an heltzea aurreikusten da eta honakoa izango da ibilbidea: Gaztelubegi, Aritzatxu Bidea, Bizkaiko Jaurerria, Intxausti, Goiko plaza, Arostegi, Lamera, Askatasun Bidea, Erreñezubi, Ondarraburu, Zubiaur tar Kepa, San Martin, Esparru, Zubiaur tar Kepa, Santamañe eta Txibitxiaga.

Korrikaren petoak eskuratzeko, Petoneta ere Bermeon izango dugu ibilbide guztian zehar, Korrika heldu baino ordu erdi lehenago gutxi gorabehera.

“Bermeon euskararen indarra erakutsi dezagun guztiok batera Korrikan!”, azpimarratu du Bermeoko Udalak.