Bermeoko Udala
Albisteak
Albistea
Erroxape abesbatzak kontzertua eskainiko du maiatzaren 29an, martitzenean, Udalaren Zaharren egoitzan
Bermeoko Erroxape abesbatzak kontzertua eskainiko du Bermeoko Udalaren Zaharren egoitzako lorategian, datorren martitzenean, maiatzaren 29an, eguerdiko 12:00etan.
Erroxape abesbatzak urtean zehar landutako zazpi kantuz osatutako errepertorioa eskainiko die bertako egoileei. Horietako kantu batzuk ezagunak izango dira, hala nola, Kaxianoren Itsasontzi batean, Joxe Migelen batela , Ixil-ixilik edota Bermeoko herri kantuen pot-pourria.
Joan den maiatzaren 22an ere, Bermeoko Musika eskolako irakasleek kontzertua eskaini zuten Bermeoko Udalaren Zaharren egoitzako lorategian; izan ere, ekimen horiek Bermeoko Udalaren Zaharren Egoitzak eta Bermeoko Udal Musika Eskolak elkarlanean egoitzako egoiliarrak musikarekin gozatu ahal izateko martxan jarri duten programaren barne daude.
Berrietarako harpidetza
