Bermeoko Udala

Joxe Miel Barandiaran Udal Liburutegiak antolatuta, XVI. Bermeo Uria Narrazio Lehiaketaren sari banaketa izan da barikuan, ekainaren 7an, Nestor Basterretxea aretoan. Haizea Egües (LH2, 4. maila), Agurne Bilbao (LH3, 5. maila), Naiara Diaz ( LH3, 6.maila), Igor de Prado (DBH 1. zikloa), Maite Garin (DBH 2. zikloa) eta Alaitz Diaz (Batxilergoa) izan dira aurtengo irabazleak. Sari bezala, liburuak, Luma liburu-dendan gastatzeko txeke bat eta diploma bat jaso dituzte.

Bigarren sailkatuek diplomak eta liburuak jaso dituzte eta honako hauek izan dira: Alaitz Gomez (LH2, 4. maila), Joseba Astorkiza (LH3, 5. maila), Ander Gomez (LH3, 6.maila), Araia Agirre (DBH 1.zikloa), Almike Alonso (DBH 2. zikloa) eta Ane Elezgarai (Batxilergoa). Horrez gain, finalistek diplomak jaso dituzte.

XVI. Bermeo Uria Narrazio Lehiaketan herriko ikastetxe guztietako ikasleek parte hartzen dute, hau da, 9 urtetik 18 urte bitarteko ume eta gazteek. Horrela, sariak kategorietan banatzen dira: LH 2 zikloa 4. maila, LH 3 zikloa 5. maila, LH3 zikloa 6. Maila, DBH 1 zikloa, DBH 2 zikloa eta batxilergoa. Sari banaketa ekitaldian egon dira, besteak beste, Benito Ibarrolaza, Bermeoko jarduneko alkateordea, eta Aingeru Astui, jarduneko Kultura zinegotzia.