Bermeoko Udala

Yogazaleak taldeak eta Lorea Alberdik antolatuta, Yogaren Nazioarteko Eguna ospatuko da eguenean, ekainaren 21ean, Bermeon. Egunari hasiera emateko, nahi duten pertsona guztiak goizeko 7:00etan Talan , kantina inguruan, elkartuko dira yoga saio bat elkarrekin egiteko. 

Arratsaldean ere ekintzak izango dira, izan ere, 18:00etan Frantziskotarren klaustroan meditazioa,  ‘Zergatik eta Zertarako’ izeneko praktika erraza egiteko aukera egongo da. 20:30ean Tonpoian elkartuko dira yoga saioa, arnasak eta arnasketak egiteko. 

Saio guztiak Lorea Alberdik eskainiko ditu. Yogazaleak taldeak herritar guztiak gonbidatu ditu saio hauetan parte hartzera.