Bermeoko Udala

Joxe Miel Barandiaran Udal Liburutegiak antolatuta, XV. Bermeo Uria Narrazio Lehiaketaren sari banaketa izango da barikuan, ekainaren 1ean, arratsaldeko 19:00etan Nestor Basterretxea aretoan. 

Lehiaketa horretan herriko ikastetxe guztietako ikasleek parte hartzen dute, hau da, 9 urtetik 18 urte bitarteko ume eta gazteek. Irabazleek sari bezala liburuak, Luma liburu-dendan gastatzeko txeke bat eta diploma bat jasoko dituzte. Bigarren sailkatuek liburuak eta diploma eta finalistek diplomak. 

Horrez gain, iazko irabazleen ipuinez osatutako liburuxka bananduko zaie ikastetxe guztietako haurrei. Sari banaketa ekitaldi polita izango da, eta Aizkoa Olabarrieta ipuin-kontalariak saioa eskainiko du ume eta gazteek ipuinekin gozatzeko.