Bermeoko Udala

Rafa Maza aktoreak ‘Hey, bro! Hipster show’ antzezlana taularatuko du urriaren 20an, barikuan, Bermeoko Nestor Basterretxea aretoan, gaueko 21:00etan. 

Hipsterra, jaio ala egin egiten da? Zu zeu, hipsterra ote zara, zarenik jakin gabe? Zer izan zen lehenago: hipsterra ala oiloa? Galdera horiei eta beste askori erantzuna emango die Rafa Maza komediante ospetsuak antzezlan honetan. Solo Fabiolo ikuskizun erakargarriaren ondoren, Maza gure garaiko pertsonaiarik ‘cool’-enarekin dator berriro taulatara: ‘Homo hipsterra’. 

Antzezlana gaztelaniaz izango da. Sarrerak 6 euro dira eta salgai daude Bermeoko Gizarte eta Kultura etxean, orotarako kutxazainetan  edo www.kutxabank.es web gunean. 29 urtetik beherako gazteek, 65 urtetik gorako helduek, langabetuek eta elbarrituek %25eko deskontua dute leihatilan.