Bermeoko Udala

Pandemian jarraitzen dugula gogoratu nahi du Udalak, orain arte egindako ahalegina ezerezean gelditu ez dadin

Bermeon, 2021eko maiatzaren 21ean.- Gaur hasten den XXVII. Arrain Azoka birtuala izango den arren, Bermeoko Udalak osasun eta segurtasun neurriak hartzeko eskaera luzatu nahi die herritarrei, oraindik pandemian jarraitzen dugula gogoratuz. Herriarentzako data garrantzitsua da berau eta jakin badakigu guztiok dugula ospatzeko gogo bizia. Hala ere, zuhurtasunez eta errespetuz jokatu behar dugula azpimarratu nahi du Udalak.

“Guztiok egin dugu ikaragarrizko ahalegina pandemia gurean instalatu zenetik eta ezin dugu orain esfortzu hori guztia ezerezean utzi, gure etorkizuna jokoan dago” azpimarratu du Aritz Abaroa alkateak. Udaltzaingoak tabernetan bete beharreko neurriak zeintzuk diren bergogoraraziko ditu eskuorria berriro entregatuz.