Bermeoko Udala

Bermeoko Udalak, aho batez, trafikoa, zirkulazioa eta bide-segurtasuna arautzeko ordenantza onartu zuen atzo, azaroaren 28an, egindako Osoko Bilkuran. Horrela, ordenantza hori egun indarrean dagoen trafiko legeriaren arabera gaurkotzen da.

Ordenantza berriarekin Bermeon gehienezko abiadura orduko 30 kilometrokoa izango da eta, oinezko guneen kasuan, esate baterako, Alde Zaharra, orduko 10 kilometrokoa izango da gehienezko abiadura.

Horrez gain, karabanen eta autokarabanen erabilera arautzen da eta mugikortasun pertsonaleko ibilgailuen erabilera ere bai (patinete elektrikoak, txirrindu elektrikoak, skuter elektrikoak…) .