Bermeoko Udala

Landatxuko eskaileren egoera konpontzeko lanean ari da Bermeoko Udala. Lanak joan den astean hasi ziren eta hilabete baten bukatzea aurreikusten da, Benito Ibarrolazak, Bermeoko alkateordeak eta Zerbitzuetako zinegotziak adierazi duenez.

Ibarrolazak azaldu duenez, udal arkitektoak Baztarreko ibilbidetik Landatxuko etxeetara doan pasabidearen egoerari buruzko txosten bat egin zuen. Izan ere, Baztarretik beherantz dagoen maldan, gunea txukuntzeko garbiketa lanak eta sasitza kentzeko lanak egin zirenean, hormigoizko estruktura agerian utzi zuten eta, horrela, bere egoera ez zela ona ikusi zen. 

“Hormigoizko estrukturaren egoera txarra zela eta, segurtasuna bermatzeko bere konponketa beharrezkoa zela ikusi genuen”, esan du Zerbitzuetako zinegotziak. 

“Horrela konponketa lanak ahalik eta arinen hasi ditugu, hauek hilabete batean bukatzea aurreikusten dugu egituraren egoera konponduz eta segurtasuna bermatuz”, nabarmendu du.