Bermeoko Udala

Bermeoko Udal Musika Eskolako irakasleek gaur Jose Antonio Egia musikariaren obraren lanak interpretatu dituzte Bermeoko Udalaren Zaharren egoitzan. Kontzertu horrekin egoiliarrek musikarekin gozatu dute, eta, horrez gain, J.A Egiaren pasadizoak kontatzera animatu dira, izan ere, aurten  musikariaren jaiotzaren 100. urteurrena betetzen da.

Bermeoko Udalaren Zaharren egoitzako lorategian izan da kontzertua, eta egoiliarrekin batera egon da Benito Ibarrolaza, Bermeoko alkateordea eta Gizarte Ongizate Udal Patronatuko lehendakari eragilea.

Ekimen hori Bermeoko Udalaren Zaharren Egoitzak eta Bermeoko Udal Musika Eskolak elkarlanean egoitzako egoiliarrak musikarekin gozatu ahal izateko martxan jarri duten programaren barne dago. 

Ibarrolazak azaldu duenez, programa horrek “pertsona nagusientzat hainbat onura dakar: integrazioa lantzen da, komunitatearekiko lotura mantentzen da, auto-estima hobetzen du, maila kognitiboa lantzen du eta belaunaldien arteko lotura sendotzen du”. “Horregatik gure nagusientzat oso positiboa da”, nabarmendu du.