Bermeoko Udala

Eusko Jaurlaritzak, SPRIren bitartez, eta Bermeoaldeko Behargintzaren kolaborazioarekin, Informazioaren eta Komunikazioaren Teknologiak (IKT) erabiltzen ikasteko eta horrela negozioak lehiakorragoak izateko doako aholkularitza pertsonalizatuak antolatu ditu. Tailer horiek 10 langile baino gutxiago duten autonomo eta mikroenpresei zuzenduta daude eta Behargintzan emango dira.

Teknologi berrien erabilerari buruzko aholkularitza tailerra honakoa izango da: “Nola erabili mugikorrak zure negozioa eraginkorragoa izateko” (maiatzak 3 edo 9).

Izena ematea Behargintzan izango da (Zubiaur tar Kepa 26-28, 1. / Tel: 94 617 91 90 / prospekzioa@bermeo.eus) maiatzaren 1a baino lehenago eta plazak mugatuak dira. Interesa duten pertsonak Behargintzarekin kontaktuan jarri behar dira.