Bermeoko Udala

Anita Maravillas konpainiaren eskutik, ‘Pintto Pintto’ umeentzako antzerkia egongo da ikusgai martxoaren 11n, barikuan, Bermeoko Nestor Basterretxea aretoan 18:30ean.

Pintto protagonista den antzezlan honetan Pintto galdu egin den txakurkumea da; Pinttok jolastea maite du, baina badirudi norbaitek beldur diola eta ez duela beragaz jolastu gura. Antzezlan honetan Pinttok adiskidetasunaren jokoa zein zoragarria eta zein sinplea den gogorazten digu.

'Sarrerak 4 euro dira eta jadanik salgai daude Bermeoko Gizarte eta Kultura etxean, BBKko orotarako kutxazainetan eta www.kutxabank.es. Leihatilan egun berdinean, barikuan, salduko dira, 18:00etatik aurrera, sarrerak gelditzen badira.