Bermeoko Udala

XII. Bermeo Uria Narrazio Lehiaketaren sari banaketa izango da barikuan, ekainaren 5ean, arratsaldeko 19:00etan Nestor Basterretxea aretoan, Bermeoko Udal liburutegiak adierazi duenez.  

Lehiaketa honetan herriko ikastetxe guztietako ikasleek parte hartzen dute, hau da, 9 urtetik 18 urte bitarteko ume eta gazteak. Horrela, sariak kategorietan banatzen dira: LH 2 zikloa, LH 3 zikloa, DBH 1 zikloa,  DBH 2 zikloa eta batxilergoa.  

Sei irabazle egongo dira eta hauek liburuak, txeke bat Luma liburu-dendan gastatzeko eta diploma bat jasoko dituzte. Bigarren  sailkatuak ere sei izango dira eta hauei liburuak eta diploma bat bananduko zaizkie. Gainerako parte hartzaile guztiek ere diplomak jasoko dituzte.   

Horrez gain, iazko irabazleen ipuinekin osatutako liburuxka bananduko zaie ikastetxe guztietako umeei. Sari banaketa ekitaldi polita izango da eta Itziar Ituño ipuin kontalaria eta aktorea izango da aurkezlea.