Behin behineko esleipena
2009/03/18
KARMELE MUÑOA ARRIGAIN andreak, Bermeoko Udaleko jarduneko idazkariak,
Z I U R T A T Z E N D O T:
2009ko martxoaren 18an Tokiko Gobernu Batzarrak erabagi hau agindu dauela:
24.- ITXAS-GANE FUTBOL ZELAIKO ARGITERIAREN OBRA BEHIN-BEHINGOZ ESLEITZEA.
Xedea
Itxas-Gane futbol zelaiko argiteriaren obra behin-behingoz esleitzea.
Aurrekariak
Lehenengoa: Estatuko Gobernuak, zemendiaren 28ko 9/2008 Errege Dekretu Legearen bidez, udal aurrekontuetan agertzen ez diran obrak egiteko laguntza bat emoten dau. 2009ko zezeilaren 13ko erabagiaren bidez, besteak beste, obra hau egiteko laguntzea emon da.
Bigarrena: 2009ko martiaren 4an izandako batzarrean, Tokiko Gobernu Batzarrak, obra honen baldintza-agiriak onartzea eta deialdia zabaltzea erabagi zan.
Hirugarrena: Prozedura negoziatu bidez 3 enpresa gonbidatuak izan dira beraien eskaintzak aurkezteko.
• E. ASMOTUR-URIARTE, SL
• TECUNI, SA
• ELECTRICIDAD MANU, SL
ELECTRICIDAD MANU, SL enpreseak uko egin deutso idatziz eskaintza bat aurkezteari.
Argudioak
Bakarra: Aurkeztutako dokumentazinoa aztertu ondoren eta kalifikatzeko sistema kontuan harturik, TECUNI, SA enpreseak puntu gehiago lortu dauz. Puntu-kopuruaren taula honakoa da:
Enpresa Hobekuntzak (0-50) Metodologia
(0-30) Epea (0-20) Guztira
(0-100)
Obra gehitzea
(0-35) Bestelakoak
(0-15)
ASMOTUR-URIARTE 0 5 0 0 5
TECUNI 35 10 0 0 45
Erabagia
Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak:
BAKARRA: Itxas-Gane Futbol Zelaiko argiteriaren obra, behin-behingoz esleitzea, era honetan:
- ENPRESEA: TECUNI, SA (IFZ: A-48081780).
- -PREZIOA: 140.857,89€ BEZ barik, BEZ: 22.573,26€, DANERA: 163.395,15 €.
- -EXEKUZINO EPEA: 3 hile.
- -OBRA HONETAN LAN EGINGO DABEN LANGILEAK: 5 langile, horreetatik 2, langabeziatik kontratautakoak izango dira.
- Kontratuan jaso beharko dira enpreseak aurkeztutako hobekuntza guztiak.
Eta honela izan daiten eta ondorio egokiak eragin daizan, alkate jaunaren aginduz eta onetsiaz, ziurtagiri hau idazten dot, eta bere xedea dan erabagia onartu barik dagoan akta batean dagoala adierazoten deutsut, behin betiko onespenaren menpean dagoela ohartarazota, Bermeon, 2009ko martxoaren 18an.
ONETSIA
ALKATEA