Bermeoko Udala

Behin betiko esleipena

2009/07/10

KARMELE MUÑOA ARRIGAIN andreak, Bermeoko Udaleko jarduneko idazkariak,

Z I U R T A T Z E N D O T:

2009ko uztailaren 1ean Tokiko Gobernu Batzarrak erabagi hau agindu dauela:


15.- 20.3 EXEKUZINO UNIDADETIK LANDABASO INDUSTRIALDE BARRIRA SARREREA EGITEKO OBRAK (I. FASEA) BEHIN BETIKO ESLEITZEA.

Xedea

20.3 exekuzino unidadetik industrialde barrira sarrerea egiteko obra kontratua behin betiko esleitzea.

Aurrekariak

Lehenengoa: 2009ko maiatzaren 27an Tokiko Gobernu Batzarrak 20.3 exekuzino unidadetik industrialde barrira sarrerea egiteko obra kontratua behin-behinekoz esleitzea erabagi eban. Erabagi hori 2009ko bagilaren 3ko Tokiko Gobernu Batzarrak zuzendu eban.

Bigarrena: 2009ko bagilaren 8an behin-behineko esleipena kontratugilearen profilean argitaratu zan.

Argudioak

Bakarra: Behin-behineko esleipenaren iragarkia legeak agintzen dauen denporan egon da iragarrita eta, epe horretan, ez da alegazinorik ez erreklamazinorik jaso.

Bestalde, behin-behinekoz proposatutako esleipendunak emondako epearen barruan bete dauz bere eginbeharrak eta, ondorioz, legezko urrats guztiak bete dira, behin-behineko esleipena behin betiko bihurtzeko.

Erabagia

Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak:

BAKARRA: Industrialde barrira sarrerea egiteko obra kontratua behin betiko esleitzea, era honetan:



- ENPRESEA: Excavaciones Vda. de Sainz, SA
- PREZIOA: 580.000 euroan (BEZ barik)
- EXEKUZINO EPEA: 3 hile.
- Esleipendunari jakinarazotea, 10 eguneko epearen barruan, kontratua sinatu beharko dauela eta, holan egin ezean, udalak esleipena bertan behera itxi ahal izango dauela.





Eta honela izan daiten eta ondorio egokiak eragin daizan, alkate jaunaren aginduz eta onetsiaz, ziurtagiri hau idazten dot, eta bere xedea dan erabagia onartu barik dagoan akta batean dagoala adierazoten deutsut, behin betiko onespenaren menpean dagoela ohartarazota, Bermeon, 2009ko uztailaren 7an.

ONETSIA
ALKATEA