Bermeoko Udala

BEHIN BEHINEKO ESLEIPENA

2010/02/16

KARMELE MUÑOA ARRIGAIN andreak, Bermeoko Udaleko jarduneko idazkariak,

Z I U R T A T Z E N D O T:

2010eko otsailaren 10ean Tokiko Gobernu Batzarrak erabagi hau agindu dauela:


28.- GAZTELEKU ZERBITZUA EMOTEKO ZERBITZU KONTRATUA BEHIN-BEHINEKOZ ESLEITZEA.

Xedea

Gazteleku zerbitzua emoteko zerbitzu kontratua behin-behinekoz esleitzea.

Aurrekariak

Lehenengoa: Gazteleku zerbitzua emoteko zerbitzu kontratua 2010eko martiaren 31n amaitzen da.

Bigarrena: 2009ko abenduaren 30ean Tokiko Gobernu Batzarrak Gaztelekuaren zerbitzua emoteko zerbitzu kontratuari jagokozan administrazino baldintzak eta baldintza teknikoak onartu ebazan.

Argudioak

Lehenengoa: 2009ko abenduaren 30ean, MB2000 Zerbitzu Soziokulturalak, Batun-Batun Aisialdi Kultur Elkarteak eta Suspergintza elkarteak prozedura negoziatuan parte hartzeko gonbidapenak jaso ebezan.

Bigarrena: 2010eko urtarrilaren 15ean Suspergintza Elkarteak uko egin eutson gonbidapenari.

Hirugarrena: 2010eko urtarrilaren 20an, MB2000 Zerbitzu Soziokulturalak eta Batun-Batun Aisialdi Kultur Elkarteak proposamenak aurkeztu dabez.

Laugarrena: Gazteria teknikaria dan Iñaki Lopez Elorduik, Kultura Animatzailea dan Susana Regidor Lardiesek eta Gazte Ekimenak Zerbitzuko arduraduna dan Onintza Varak, 2010eko zezeilaren 2an batuta, ondorengo puntuazinoa emotea erabagi dabe:







Gaztelekua Zerbitzuaren Proiektua
Prezioa
Hobekuntzak
MB 2000 Zerbitzu Sozio-Kulturalak

36

29,88

3,5
Batun-Batun Aisialdi Kultur Elkartea

51

30

4


Ondorioa: Batun-Batun aisialdi kultur elkarteak 85 puntu daukaz eta MB 2000 Zerbitzu Soziokulturalak 69,38 puntu.

Erabagia
Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak:

LEHENENGOA: Gazteleku zerbitzua emoteko zerbitzu kontratua Batun-Batun aisialdi kultur elkarteari behin-behinekoz esleitzea, 2011ko abenduaren 31ra arte.

BIGARRENA: Gazteleku zerbitzua emoteko zerbitzu kontratua 31.175 €-an esleitzea onartzea, BEZa kanpo. BEZari jagokon zenbatekoa 2.182,25 €-koa da.

HIRUGARRENA: Enpresa esleituari, aitatutako esleipen horren indarrez, segidan adierazoten diran jarduketak egin beharko dauzala jakinarazotea:

• Behin betiko fidantzea ipintea (1.558,75 €), eta kontratua administrazino kontratu bidez formalizatzea.
• Jarduketa horreek egiteko epea hamabost egunekoa izango da, jakinarazpen hau jaso eta hurrengo egunetik zenbatzen hasita.

Eta honela izan daiten eta ondorio egokiak eragin daizan, alkate jaunaren aginduz eta onetsiaz, ziurtagiri hau idazten dot, eta bere xedea dan erabagia onartu barik dagoan akta batean dagoala adierazoten deutsut, behin betiko onespenaren menpean dagoela ohartarazota, Bermeon, 2010eko otsailaren 15ean.

ONETSIA
ALKATEA