Bermeoko Udala

Behin behineko esleipena

2010/09/06

KARMELE MUÑOA ARRIGAIN andreak, Bermeoko Udaleko jarduneko idazkariak,

Z I U R T A T Z E N D O T:

2010eko irailaren 2an Tokiko Gobernu Batzarrak erabagi hau agindu dauela:


23.- BERMEOKO UDALERRIKO MERKATARITZA BIZIBERRITZEKO PLANA GAUZATZEA ETA PLANAK BERAK AURREIKUSTEN DAUZAN JARDUERAK GARATZEKO LAGUNTZA TEKNIKOAREN KONTRATUA BEHIN-BEHINEKOZ ESLEITZEA.

Xedea

Bermeoko Udalerriko merkataritza biziberritzeko plana gauzatzea eta planak berak aurreikusten dauzan jarduerak garatzeko laguntza teknikoa kontratetea. Behin-behineko esleipena.

Aurrekariak

Lehenengoa: 2010eko ekainaren 22an Merkataritza, Sustapen eta Turismoko batzorde informatiboa, baldintza administratibo eta teknikoak onartu ebazan eta esleipen jardunbideari hasikerea emon jakon.

Bigarrena: “Merkagune-Herri Merkataritza” programatik dirulaguntza lortu da jarduera hau egiteko, hain zuzen be 28.616,00 € (Onartutako gastua 35.770,00€)

Hirugarrena: IKEI, LKS S.COOP ETA INSTITUTO DE ECONOMÍA APLICADA A LA EMPRESA (UPV-EHU) enpresei jagokon kontratazinoan parte hartzeko gonbitea bialdu jakien.

Laugarrena: LKS S. Coop. enpreseak, euren eskaintza bialdu dau.

Erabagia

Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak:

LEHENENGOA: Bermeoko Udalerriko merkataritza biziberritzeko plana gauzatzea eta planak berak aurreikusten dauzan jarduerak garatzeko laguntza teknikoa emoteko zerbitzu kontratua LKS S.COOP enpreseari 29.800,00 €-tan (BEZ kanpo) behin-behinekoz esleitzea. BEZari jagokon zenbatekoa 5.364,00 €-koa da (Danera: 35.164,00 €).


BIGARRENA: Enpresa esleipendunari jakinarazotea behin betiko esleipena egin ahal izateko jarraian adierazoten den jarduketa egin beharko dauela:

• Behin betiko bermea jarri (1.490,00 €).

Horretarako hamabost (15) eguneko epea izango dau, erabagiaren jakinarazpena jaso eta hurrengo egunetik zenbatzen hasita.




Eta honela izan daiten eta ondorio egokiak eragin daizan, alkate jaunaren aginduz eta onetsiaz, ziurtagiri hau idazten dot, eta bere xedea dan erabagia onartu barik dagoan akta batean dagoala adierazoten deutsut, behin betiko onespenaren menpean dagoela ohartarazota, Bermeon, 2010eko irailaren 6an.

ONETSIA
ALKATEA