Bermeoko Udala

BEHIN BEHINGO ESLEIPENA

2008/08/22

1100. ZENBAKIDUN
ALKATETZAREN DEKRETUA



Gaia: Arkitektura oztopoak kentzeko, irisgarritasuna sustatzeko kontratuaren behin behingo esleipena.


Xedea

Arkitektura oztopoak kentzeko, irisgarritasuna sustatzeko kontratua. CONSTRUCCIONES INTXAUSTI, S.A enpresaren errekurtsoa.


Aurrekariak

Lehenengoa: 2008ko maiatzaren 19an, Bizkaiko Aldizkari Ofizialean, Arkitektura oztopoak kentzea, irisgarritasuna sustatzeko kontratazinoaren deialdia argitaratu zan.

Bigarrena: Eskaintzak aurkezteko epean, proposamen bi jaso ziran: INTXAUSTI CONSTRUCCIONES, SA enpreseak aurkeztutakoa eta JOSE ANTONIO OLABARRI CONSTRUCCIONES, SL enpreseak aurkeztutakoa hain zuzen.

Hirugarrena: 2008ko uztailaren 18an, Zerbitzu saileko kontratazino mahaiak, eskaintza bien dokumentazino orokorra aztertu eban eta, horren arabera, INTXAUSTI CONSTRUCCIONES, SA enpreseak, 18. artikuluko c) eta d) ataletako agiriak falta ebazala ikusirik, akats hori zuzentzeko 3 eguneko epea emotea adostu zan.

Laugarrena: 2008ko uztailaren 23an, akatsa zuzentzeko 3 eguneko epea emonaz, faxa bialdu jakon INTXAUSTI CONSTRUCCIONES, SA enpreseari.

Bosgarrena: Domeka eta jai egunak kontutan eukita, agiriak aurkezteko epea, uztailaren 28an amaitzen zan eta, INTXAUSTI CONSTRUCCIONES, SA enpresak, uztailaren 29an aurkeztu eban dokumentazinoa.

Seigarrena: Dokumentazinoa epez kanpo aurkeztu ebala kontutan eukita, kontratazino mahaiak, prozesutik kanpo ixtea erabagi eban eta, beste parte hartzailearen eskaintza ekonomikoa zabaltzeari ekin eutson. Kontutan eukita eskaintza lizitazino prezioaren barne egoala, kontratua, parte hartzaile bakar honeri esleitzeko proposamena onetsi eban kontratazino mahaia, beti be, txosten tekniko bidez, eskatutako baldintza guztiak betetzen zirala egiaztatuko balitz.
Zazpigarrena: 2008ko abuztuaren 7an, CONSTRUCCIONES INTXAUSTI, SA enpreseak, esleipen prozesutik kanpo geratu zala kontutan hartuta, erabagi horren kontrako errekurtsoa aurkeztu eban.

Zortzigarrena: 2008ko abuztuaren 8an, Zerbitzu saileko teknikariak, txostena emon eban eta, txosten horren arabera, parte hartzaile bakarraren eskeintza, baldintza agiriekaz bat datorrela ulertu leike.


Argudioak

Bakarra: 2008ko abuztuaren 28an, Kontratazino Mahai baturik, ontzat hartu dau idazkazkariak 2008ko abuztuaren 18an emondako txostena. Hori dala eta, Kontratazino Mahaiak, behin behingo esleipena Jose Antonio Olabarri Construcciones, SL. Enpreseari egiteko proposamena egin dau.


Erabagia

Aitatutako guztia dala eta, honakoa ERABAGI DOT:

LEHENENGOA: Construcciones Intxausti, SA enpreseak aurkeztutako errekurtsoa ez onartzea eta, ondorioz, behin behingo esleipena, geratu dan parte hartzaile bakarraren alde egitea, hau da, Jose Antonio Olabarri Construcciones, SL., 255.832,04 eurogaitik, BEZ kanpo (BEZari 40.932,97 euro jagoko).

BIGARRENA: Jose Antonio Olabarri Construcciones, SL. enpreseari jakinarazotea, jakinarazpena jaso eta hurrengo egunetik zenbatzen hasita, 15 eguneko epean, konpultsatu barik daukazan agiriak (halan izatekotan) konpultsatu beharko dauzala eta behin betiko bermea jarri beharko dauala, horrela egin ezean, behin behineko esleipena bertan behera geratuko dalarik.

HIRUGARRENA: Erabagi honen barri parte hartzaile daneri emotea.



Bermeon, 2008ko Abuztuaren 21ean
ALKATEA




NIRE AURREAN
JARDUNEKO IDAZKARIA