Bermeoko Udala

Behin betiko esleipena

2011/04/08

AINARA ETXEBARRIA AGORRIA andreak, Bermeoko Udaleko jarduneko idazkariak,

Z I U R T A T Z E N D O T:

2011ko martxoaren 24an udal honetako Osoko Bilkureak erabagi hau agindu dauela:


5.- UDALTZAINGOAREN IBILGAILUA RENTING BIDEZ ESKURATZEKO KONTRATUA BEHIN BETIKO ESLEITZEA.

Xedea

Udaltzaingoaren ibilgailua renting bidez eskuratzeko kontratua behin betiko esleitzea.

Aurrekariak

Lehenengoa: 2010eko urriaren 28an Osoko Bilkureak Bermeoko Udaleko udaltzaingoaren lur orotarako hornidura kontratuaren baldintza-agiriak onartzea eta deialdia zabaltzea erabagi eban. Halanda ze, kontratazinoa prozedura lehiaketa bidez egitea erabagi eban.

Bigarrena: 2010eko abenduaren 29an Bizkaiko Aldizkari Ofizialean lizitazino iragarkia argitaratu zan (BAO 2010/249 zk.). Jagokon kontratazino prozesua burutu zan, espedientean agertu bezala.

Hirugarrena: 2011ko zezeilaren 3an Osoko Bilkureak behin-behinekoz esleitzea onartu eban QUICK RENT SL enpresearen alde, eskaintza hoberena aurkeztu izanagaitik.

Argudioak

Lehenengoa: Behin-behineko esleipen erabagiaren argitalpena kontratistearen profilean zezeilaren 9an burutu zan, eta legezko epearen barruan ez da ezelako errekurtsorik aurkeztu.

Bigarrena: Esleipendunak bere betebeharrak burutu dauz, jagokozan ziurtagiriak eta behin betiko bermea aurkeztuz (1.847,68 €).

Erabagia

Goian aitatutako guztia kontuan hartuta, aho batez, honako hau erabagi dau Udal Osoko Bilkureak:


LEHENENGOA: Bermeoko Udaleko udaltzaingoarentzat renting bidez lur orotarako ibilgailuaren hornidura kontratua QUICK RENT SL enpreseari esleitzea behin betiko, aurkeztu dauen eskaintzearen arabera, hau da: 36.953,64 € + BEZ %18ko prezioagaitik.

BIGARRENA: Behin betiko esleipena Bermeoko Udalaren web orriko kontratugilearen profilean argitaratzea.

HIRUGARRENA: Jagokon kontratua sinatuko da esleipendunagaz. Horretarako, hamar (10) laneguneko epea izango dau, erabagiaren jakinarazpena jaso eta hurrengo egunetik zenbatzen hasita.

LAUGARRENA: Esleipendunak udalagaz izango dauzan ahozko eta idatzizko hartu-emonak euskeraz izango dira, eta fakturarik edo bestelako idazkirik aurkeztu behar dauenean euskeraz aurkeztu beharko dauz.

BOSGARRENA: Behin-behineko bermeak itzultzea partehartzaileei.





Eta honela izan daiten eta ondorio egokiak eragin daizan, alkate jaunaren aginduz eta onetsiaz, ziurtagiri hau idazten dot, eta bere xedea dan erabagia onartu barik dagoan akta batean dagoala adierazoten deutsut, behin betiko onespenaren menpean dagoela ohartarazota, Bermeon, 2011ko apirilaren 8an.

ONETSIA
JARDUNEKO ALKATEA